من مــعتــقل في الســجـ ـون الى وزير أول للدولة عبد الرحمان اليوسفي

 عبد الرحمان اليوسفي رجل وطني كبير، خدم بلده بشرف,عاش حياة حافلة وهو يتنفس برئة واحدة بعدما جرى استئصال الأخرى في عمليتين جراحيتين في خمسينيات القرن الماضي,

عبد الرحمان اليوسفي, عبد الرحمان اليوسفي والحسن الثاني, عبد الرحمان اليوسفي pdf, عبد الرحمان اليوسفي ويكيبيديا, فوج عبد الرحمان اليوسفي, شارع عبد الرحمان اليوسفي, جنازة عبد الرحمان اليوسفي, وفاة عبد الرحمان اليوسفي, من هو عبد الرحمان اليوسفي, عبد الرحمان اليوسفي ومحمد السادس, عبد الرحمن ديال اليوسفية #الحسن_الثاني

عبد_الرحمان_اليوسفي

واصل القراءة

حميدو الديب الحقيقة التي لا يعرفها الشعب المغربي عن أكبر بارون مغربي (القصة الكاملة) hmido dib#

 

حميدو الديب . او البارون حميدو الديب . hmidou dib . حلقة اليوم على قصة زعيم الما. فيا حميدو الديب صديق بابلو اسكوبار . فماهي قصة حميدو الديب ؟ و كيف تم القبض على حميدو الديب تاجر المخد.راات ؟ و ما علاقة حميدو الديب بادريس البصري ؟ و هل مات حميدو الديب ؟

#hmidou_dib

#حميدو_الديب

#الحسن_الثاني

واصل القراءة

صاحبة فيديو محمد المكي الفرنسية على قناة2M

 

واصل القراءة

لماذا 90 %من الأشخاص يفشلون في تحقيق أهدافهم (khotwa)

واصل القراءة

من أغرب مرضى إضطراب الشخصية الإنفصامية في العالم

 

واصل القراءة

أجمل شواطئ المغرب روعة

 

واصل القراءة

كيف أعرف أهدافي وطموحاتي وأحقق أحلامي

 

واصل القراءة

الخطأ الفــادح الذي أرسل صدام الى الاعـــ..ــ ـد ا. م أخـفته الصحف العالمية على الجميع

 صــدام حسيــــن

صدام حسين عبدالمجيد التكريتي ، هو رابع رئيس لجمهورية العراق وكان أمين لحزب البعث العربي الاشتراكي وقائد أعلى للقوات المسلحة العراقية من 1979 تال 2003...موهيم صدام بان من بعد الانقلاب لي دارو مع حزب البعث العراقي ومن بعد الانقلاب صدام ولا نائب للرئيس البعثي اللواء أحمد حسن البكر هنا صدام غايطلق يدو على الحكومة والقوات المسلحة لي كانو مخاصمين وغايسد التقبة وغيدير سياسة جديدة وغايستغل النفط باش يهز الاقتصاد ديال العراق...صدام من بعدما وصل للسلطة وولا رئيس للعراق غايبداا بتصفية الحسابات مع المعارضين ديالو فحزب البعث وتاهمهوم بالخيانة وف 1980 صدام غايدخل فحرب مع إيران بسباب شي مشاكل فالمناطق الحدودية هاد الحرب ضربات شي 8 سنين ديال الصراع تال 1988 غايتفاهمو باش يتصالحو وسالات الحرب هنا صدام باش يبرد الطرح غايسيفط 120 طائرة حربية لإيران كاضو...من بعد عامين صدام غايحط عينو على الكويت وغايعلن عليهم الحرب ف 1990 الشيء لي خلا دول الخليج يتزراو منو..من بعدما اعلن الحرب على الكويت شعلات الحرب الخليجية الثانية ف1991 وف 2002 صدام غاينوض يطلب سماحة من الكويت هههه وطلب منهم باش يحاربو ميريكان لي فالكويت ولكن الكويت عبيد ميريكان رفضو الاعتدار ديالو ومسمعوش ليه وتاهموه بلي بغى ينوض الفتنة بين الشعب الكويتي والمسيرين ديالو هنا العلاقة بين ميريكان والعراق غتبدى تخسر ومن بعد حرب الخليج الثانية لي كلات فيها الكويت العصى غاينوض مجلس الأمن غايسد على العراق اقتصاديا وغتبدى تنقص المواد الغدائية عند العراقيين وغيبداو يعانيو من جوع والمشاكل الصحية هنا غاتدخل ميريكان وغاتسيفط واحد صاروخ للاستخبارات العراقية ف 1993 وكانو لصقو واحد المونتيف لصدام بلي كيمول واحد المخطط لاغتيال رئيس الولايات المتحدة جورج بوش، وف1998 غايتدخل الكونغرس الامريكي وغايشن هجوم عسكري على العراق بتهمة ان صدام عندو اسلحة الدمار الشامل وغايتدخل جورج بوش وغيبدى يدعم المعارضة فالعراق وغايسيفط ليهم تمويلات مادية والعسكر بالتحالف مع بريطانيا باش يمحيو صدام بأي طريقة ومن بعد احداث 11 سبتمبر ف 2003 دخلات ميريكان بواحد الكدبة سميتها "الحرية للعراق"وهي الهذف ديالها هو يطيحو النظام ديال صدام، دخلات ميريكان وطيحات النظام ديال صدام وسالات الحرب ولكن صدام غبر ليه الأثر من بعدما حاولو يقلبو عليه ملقاوهش من بعد بداو يخرجو شي تسجيلات صوتية ديالو دخلات ميريكان وحطاتو فلائحة المطلوبين وشدو كاع هادوك لي كانو معاه وهددوهم باش يوريوهم فين مخبي ولكن حتى واحد ماعرف فين، هنا ميريكان غاتدخل للموصل ف2003 وغاينوض واحد الاشتباك بين جوج ولادو مع القوات الامريكية وغايموتو بجوج هنا غايتدخل واحد القواد من أقرباء صدام وغايقوليهم بلي مخبي فواحد المزرعة حدا مدينة"تكريت" هنا غايتدخلو وغادي يشدوه مع 8 ونص ديال ليل...وف 2006 غيتحاكم صدام وغيحكمو عليه بالإعدام بتهمة ارتكاب جرائم ضد الانسانية خاصة قضية "الدجيل"فاش كانو بغاو يقتلوه...نرجعو لهاد قضية الدجيل..ف 1982..كان صدام مشى لمدينة الدجيل باش يلقي واحد الخطاب تما باش يشيد دوك المجندين لي خدمو العراق ايام الحرب ضد ايران، وقال يشوف شي عائلات تما كزيارة وصافي..موهيم صدام بعدما سالا الخطاب غادي راجع فحالاتو لبغداد..حتى خرجو ليه شي وحدين بسلاح وبدااو يطلقو عليه القرطاس شي 4 سوايع ديال الاشتباكات وماتو فيها جوج كاردكورات ديال صدام وماتو شي وحدين من دوك لي هجمو على صدام والباقي تشدو كاملين..هنا صدام غيآمر باش يشدو كاع المشبوهين فمحاولة الاغتيال وعائلاتهم من بعد شدو 393 واحد من رجال و394 من النساء والاطفال ودخلهم لواحد الحبس "أبو غريب"حداا بغداد عدبو شي 138 واحد وشي وحدين اعتارفو بمحاولة الاغتيال وطلعوهم لمحكمة الثورة وشي وحدين طلعوهم لصحرا ومات منهم 40 واحد وكيعاود واحد السيد بلي الحكومة كنت كتنتاقم منهم وكتبقى تعدب فالمعتقلين تال الموت ونفااو شي 400 واحد لواحد المنطقة نائية فجنوب العراق وطلقو سراح شي وحدين ومن بعدما اعتارفو شي 148 واحد بالمشاركة فالاغتيال لصقات ليهم المحكمة تهمة الخيانة وبلي كانو كيدعمو ايران فالحرب ضد صدام وهنا غاتصدر الحكومة حكم الاعدام ف 1984 وعيطو على صدام وسينا الوراق على الموافقة ديالو على الاعدام وآمرهوم باش يريبو كاع ديور والاراضي ديال هاد 148 واحد وف 1985 تعدمو 96 واحد ومن بين هاد 96 واحد كاينين واحد 4 اعضاء من عائلة عبد الأمير تعدمو بالغلط ومن بعد خرج واحد المرسوم من المحكمة وكيعلنو فيه ان عبدالأمير مات شهيد ورجعات الحكومة شي ممتلكات كتعويض لعائلات هاد ناس لي تعدمو بالغلط وحكم صدام على مول هاد الغلط ب3 سنين ديال لحبس والباقي تعدمو ف1989 بأمر من المخابرات...هادي هي محاولة اغتيال الدجيل..لي استاغلاتها ميريكان باش تعدم صدام فحين ان السبب الحقيقي هو خوفهم منو بعدما نوضها فالخليج

...
وكانت واحد محاولة اغتيال اخرى كانت غتكون ف1992 من طرف اسرائيل وهاد الاغتيال كان غيكون فالعراق وبالضبط فالجنازة ديال خال صدام"خير الله طلفاح" واسرائيل كانت بغات تستغل حضور صدام فهاد الجنازة باش تصفيها ليه، اسرائيل حطات 22 جندي لي غينفدو الاغتيال ودخلو للصحرا فالعراق وتدربو مزيان..كيفاش البلان ديال هاد الاغتيال ؟ اسرائيل كانت غاتحط جوج طيارات فصحرا وغاتحط معاهم شي جنود يراقبوهوم والباقي غايمشيو فطوموبيلات من نوع رباعيات الدفع وغايشدو طريق للمقبرة فين غايكون صدام من بعد هاد طوموبيلات غينقاسمو لجوج مجموعات، المجموعة اللولة فيها 4 ديال ناس لابسين زي عراقي المهمة ديالهم هي يدخلو وسط بنادم لي فالجنازة وبين هاد 4 كاين جندي اسرائيلي لابس عباية عراقية كحلة وغيهز واحد لعيبة بحال المخدة زعما يبان بحالا هاز دري صغير وهاد لعيبة لي هاز هي جهاز اتصال بموجات الراديو باش يسيفط ليهم اشارات ملي يوصل صدام للمقبرة والمجموعة التانية غيبقاو بعاد شوية ومعاهم صوارخ مضادة للدبدبات واينفوا توصلهوم الاشارة من المجموعة اللولة وهاد الاشارة هي"أرسل التاكسي"غيسيفطو صوارخ للمقبرة وغايشرشمو صدام وغيرجعو لدوك طيارات ويمشيو فحالاتهم كانت هادي هي الخطة ولكن تدخل رئيس الوزراء الاسرائيلي "إسحاق رابين"وآمر "إيهود باراك"باش ماينفدش الاغتيال..
صدام فاش كانو غادين بيه للاعدام رفض يفطيو ليه وجهو وماتزرا ماوالو بقى كيغوت "الموت لأمريكا" وفاش سولوه ايلا عندو شي امنية قاليهم تخليوني ننطق الشهادة عاد عدموني وف2006 عدموه..ومن مقولات هاد السيد "أنا ستعدمني أمريكا وانتم ستعدمكم شعوبكم".."ستبكون يوما كالنساء على وطن لم تحافظو عليه كالرجال"..صدام كان جاا للمغرب باللباس العسكري وهاز معاه فردي فاش بغى يهبط من طيارة عيطو للحسن تاني قالو ليه راه هاز معاه سلاح قاليهم الحسن تاني خليوه ينزل فهذا هو صدام..وماعندوش مع المناسبات....موهيم هذا هو سينياريو ديال صدام حاولت نلخص ما أمكن..نتشاوفو فشي موضوع خر..

 

واصل القراءة

أغنى رجل في تاريخ المغرب -أغنى من الملك-

 

واصل القراءة

الحبس اللي دخليه ماعودش خرج منو نهائيا الى يومنا هذا

 

كنظن مكاينش لي مسمعش بهاد الحبس،

 هاد الحبس كان فمدينة مكناس لي كان دار منها المولى اسماعيل عاصمة،

 موهيم هاد الحبس كان دارو مولاي سماعيل خاصة للناس لي كانو كيعارضوه فالحكم والمجرمين،

 علاش سميتو سجن "قارة" سماه مولاي اسماعيل بسجن قارة نسبة لواحد السجين برتغالي

 وهاد السجين كان شرط على مولاي اسماعيل يبني ليه واحد الحبس لي غيقدر يجمع فيه اكثر من 40 الف سجين

 بما فيهم دوك المجرمين والمعارضين لي كان كيسجنهوم مولاي سماعيل فالقصر ديالو

 ولكن مقابل يطلق سراحو

 وهاد الحبس ماشي بحال الحباسات ديال دابا لي فيهوم الويفي والصوبة والعدس والحريرة فرمضان

 ويدبحو فيه للحباسة فالعيد لا لا،

 هاد الحبس من نوع خر، هاد الحبس كاين تحت لارض وماعندوش باب

 ومعندوش حدود وشاد من القصبة السلطانية تال تحت جبل زهرون فالشمال ديال مكناس

وكيقولو الطول ديالو شاد من مكناس تال خنيفرة،

 لي كيدخل ليه مكيخرجش منو نهائيا

 لدرجة شحال من واحد دخل ليه ومعاودش خرج منو،

 هاد الحبس داير بحال المتاهة كل بيت فيه شي 4 طرقان وكل طريق فيها 4 طرقان خرين

وكل طريق كاتدخلك لبيت خر

باش عمرك تخرج منو واخا تعيا مادور غاتلقى راسك فبلاصتك،

هاد الحبس كان كيتعتابر كمؤبد للسجناء،

 الحبس معندوش باب

وهاد السجناء كيلوحوهوم من واحد سقف عالي بسلوم

 وكيلوحو ليهم الماكلة

 وفهاد الحبس كاين باب واحد ولكن صعيب طيح عليه

 وقاليهم المولى اسماعيل لي لقى هاد الباب وخرج منو راه حر

 ولكن حتى واحد مالقى هاد الباب

 كما ان شحال من واحد بغى يدخل يستكشف ومبقاش خرج منو

فتسعينات جاا واحد الفريق ديال المستكشفين من فرنسا وجابو معاهم كاع الادوات لي غيحتاجو فالاستكشاف ودخلو مبقاوش خرجو

ومن وراا هاد البلان تدخل المخزن وسدو الحبس بواحد الصور

وخلاو واحد القاعة للسياح لي كايجيو يشوفوه...هادشي لي كاين 

واصل القراءة

طاعة الزوجة لزوجها وأسباب الطلاق في عصرنا هذا

 

واصل القراءة

الحفلة سلات بين المغرب والجزائر كلشي تفضح

 

واصل القراءة

سفــــا حــــة المركيزة لقــــتلات كل العائلة وبزاف ديال الناس بالسم

واصل القراءة

نصائح وإرشادات قبل شراء سيارة مستعملة

 

نصائح_و_إرشادات_قبل_الشراء

السلام عليكم ورحمة الله , بزاف ديال الناس كايبغيو يشريو سيارة مستعملة و كايحيرو كيف غا يديرو باش ما يتعرضوش للنصب . و هنا كانسمعو بزاف المصطلح ديال السماسرية و اللي كايخلطو فيه الناس ما بين التاجر اللي كايبيع و كايشري بنزاهة و ما بين السمسار اللي غير كايدخل راسو و خاصو غير البيع يدوز باش ياخد (الكاميلة) , اذن هنا كاين فرق كبير حيت البيع و الشراء ماشي عيب و حلال على شرط يكون الصدق و تكون السيارة موضوع البيع خالية من الحوادث و العيوب تماما و يتم البيع بثمن السوق, و من الأفضل تشري السيارة من عند مولاها الأصلي و حبذا لو كان هو أول مستعمل حيت غاتكون غالبا مازال نقية.

بالنسبة ليوم الشراء , سواء غاتشري من عند صاحب السيارة أو تاجر فالسيارات و اللي كلنا خصو يكون معروف و نزيه حيت هاد الدومين كثر فيه التخلويض, هنا لا بد يتم فحص السيارة و أول شيئ و أهم شيء هو الهيكل , لأنه كل شيئ عندو الحل إلا الهيكل بمعنى إذا كانت تعرضات لحادثة فدائما غا تبقى سميتها تعرضات لحادثة و هادي سيارة ما عندك ما دير بيها, كاتشوف الصباغة واش أصلية و لا معاودة , اذا كانت أصلية كاملة بمعنى السيارة راها ناضية و ما تضربات حتى فشي بلاصة اللي تستوجب الصباغة , كاتقلب الشاصي مزيا و تحت الكوفر و تحت الكوسانات الخلفية و الا ما كنتيش كتعرف دي معاك طولي و يكون شخص ثقة , من بعد الهيكل كا يجي دور المحرك , كاتلاحظ مزيان بعدا كيف داير واش داكشي كايبان فبلاصتو و لا معنفج و كثرة السكوتش و الموديفيكاسيون, كاتقلبو واش كايفيمي من بعد ما تخليه يسخن حيت الى كان بارد ما غايبينش و هنا فتقلاب ديال الموطور كايني بزاف ديال اللعيبات ولاو كايديروهوم اعداء الله و تقدر ما تدي ما تجيب واخا الموطور ميت و هادشي غاندير ايكم فيه موضوع آخر , المهم ما تنساش ترد البال حتى للصوت ديال الموطور واش هوا هداك و ضرب بيها دويرة شوف واش كاتعطي الدخان و كيف داير اللون ديال الدخان و هدا حتى نشرح لكم فموضوع آخر انواع الدخان و الدلالة ديال كل نوع و شوف لومبرياج واش ماشي حجرة زعمة ماشي قاسح باش تأكد بلي البلاطو مازال مزيان و ما تصدقش مبدل كيت دلومبرياج, و من الافضل تدي معاك مكانيك و دور معاه و تهنا و حتى هو خاص يكون كونفيونص حتى لموضوع آخر كذلك و نشرح لكم علاش كل مرة كانكول خاص يكون كونفيونص, المهم قبل من هادشي و لا بد تكون ضربت طليلة على الصالون و التجهيزات و تسول مولاها واش كلش خدام باش الى لقيت شي حاجة ما خداماش غادي تدرب حسابها و تنقصها من الثمن اللي عوال تشري بيه, و فاش توصل لا فيزيت دائما سير لا فيزيت اللي تختارها انت ماشي اللي يديك ليها هو حيت راكم عارفين المشكل ديال السيارات المدكوكة و ما أكثرها إذا دائما أكد على الموظف اللي فلا فيزيت يقلب مزيان و حملو المسؤولية .

فاش توصلو المكاتبة ديك الساعة كاتعمرو الكارطونة ديال البيعو كاتسنيو و تليكاليزيو المسائل و تخلصلو فلوسو و ماتنساش طلب الضوبل ديال الكونطاكط تاخدو معاك.

بالنسبة للوثائق ولا بد تكون تأكدت منها قبل من هادشي كامل و ماتنساش تأكد الضرائب واش خالصين و الا كنت شاري بوكالة تأكد بأنها مسجلة فدار الضريبة و مانتاهاتش الصلاحية ديالها .

دمتم في رعاية الله و الى موضوع قادم ان كان في العمر بقية.

واصل القراءة

REANAULT MEGANE 2

 

السلام عليكم و رحمة الله
من بعد ما تكلمنا على سيارة الفورد فوكيس الجيل الثالث في الموضوع السابق ، اليوم غادي نرجعو للسيارات الفرنسية و غادي يكون الموضوع ديالنا حول #رونو_ميغان_2

هاد السيارة كانت بداية الإنتاج ديالها سنة 2002 و فالمغرب تباعت ابتداءا من 2003 , و هي نفس السنة اللي تختارت فيها كسيارة السنة و هو الأمر اللي كايعكس نجاحها فديك الفترة .

اليوم غادي نتكلمو على الميغان الكاسكيطة ، و نفس الكلام راه كاينطبق على الميغان طويلة من ناحية الايجابيات و السلبيات ، حيت بزاف ديال الأصدقاء طلبو مني نتكلم عليها نظرا لشكلها الرياضي و كذلك الآراء المختلفة ... شي كايقول ليك الله يعمرها دار شي كايقول ليك ما صادقاش !!
بالنسبة للهيكل نقدرو نقيموه بعلامة لا بأس به ... ما فيهش الصح ديال السيارات الألمانية اللي فنفس الفترة و خصوصا بالنسبة للوزن و هادشي كايتلاحظ فالسرعة العالية و لكن فنفس الوقت حسن من سيارات منافسة أخرى عديدة ... من غير هادشي مايتعابش حيت السيارة مازال كانلقاوها متماسكة بعد مرور 18 سنة .. الصالون بالنسبة لوقتها يستحق ممتاز ، كراسي مريحة و تصميم رائع ما عدا البلاستيك المستعمل ماكانش من نوعية ممتازة ... بالنسبة للتجهيزات هاد السيارة تقدر تلقا فيها جميع التجهيزات و سبل الراحة المتاحة فديك الوقيتة ديالها ، و السياقة بها مريحة جدا و الى كانت مريكلة و كلشي هو هداك راه ماكاتحس لا بسوكوس و لا بطريق .
هاد السيارة تعرضات لتعديل سنة 2006 و هادشي غايبان ليك فالصورة , و لذلك كانفرقو ما بين الفاز 1 phase من 2002 حتى ل 2006 و الفاز الثاني phase 2 من 2006 حتى ل نهاية تصنيعها ف 2009 حيت تم استبدالها ف 2008 بالميغان 3 megane و اللي غادي نتكلمو عليها في موضوع قادم .

بالنسبة للمحركات ديالها كاينة مجموعة متنوعة ، مثلا بالنسبة ليصونص كانلقاو غالبا مول 1.4 لتر و مول 1.6 لتر و كاين واحد آخر و لكن قليل و هو 2 لتر .. و ما كانتكلمش على RS ... كانتكلم على 2 لتر كايكون حتى فلاغونا laguna و كايكون فيه اما 136 او 165 لتر ... بلا مانطول باش نعطيكم غير المختصر المفيد أحسنهم هو 1.4 حيت اقتصادي و عملي و لكن عموما مانصحكش بالميغان 2 فليصونص ، أولا ثقيلة فالبيع فالسوق و زيد 8 ديال الخيل و زيد الناس كاتشكا بزاف من مشاكل المحركات و لكم واسع النظر
بالنسبة للمازوط كانلقاو محركات مختلفة كذلك منها 1.5 لتر و 1.9 لتر و 2 لتر .. بالنسبة للأفضل كاين 1.5 لتر و لكن راه فيه اختلاف حيت فيه 4 : كاين مول 80 حصان و 85 حصان و هادو بجوج فاشلين فالطريق مقارنة مع سيارة بشكل رياضي و كاين 100 حصان و 105 أحصنة و هادو هوما اللي تاخد ف 1.5 لتر ..
اما بالنسبة ل 1.9 لتر راه فيه اللاصيان اللي خرج معاها و فيه 120 حصان و كاين اللي جا فبلاصتو باش يرومبلاصيه مورا 2006 و فيه 130 خيل ، و هاد الأخير هو اللي أفضل ، أما بالنسبة ل 2 لتر أصلا قليل فين تلقاه و الى لقيتو ما عندك ما دير بيه واخا يعجبك فالطريق حيت زايد فالكونصوماصيون و الأعطاب كثيرة.
بالنسبةللأعطاب الشائعة اولا كانت لا كارط la carte كلشي كانت خالعاه و اللي سولتو فواحد الوقت كايقوليك غير هرب هاديك راها بلا كارط .. دابا هذا ماشي مشكل حيت نسخ هاد البطائق الالكترونية راه متوفر و بثمن مناسب و حتى الليكتور ديالها lecteur de carte موجودين و بكثرة.
ليزانجيكتور ديالها كايمشيو و لكن بحال أي سيارة و هادشي قلتو فمواضيع سابقة لذلك دائما دير مازوط مزيان .
التيربو هو المشكل العويص و بالأخص فبعض المحركات كاتركب التيربو كاتمشي بيه واحد المدة قليلة كايعاود يمشي و الناس باعوها غير بنص ثمن بسبب هاد المشكل .. هنا السبب راه عندك من المحرك أخويا و اللي عندو هاد المشكل نشرحلو بالضبط علاش

بالنسبة لمشكل الالكترونيك هاد الكلام كان فاش كانو أغلبية السيارات بنظام ميكانيك و غير شي سيارات اللي عاد بانو هوما اللي بنظام الكتروني أما دابا راه تقلبات الآية و كلشي ولا كايخرج بأنظمة رقمية و حتى المعلمين ولاو كايخدمو بأجهزة الفحص الرقمي لذلك بلا مانتكلمو فهادشي راه متجاوز و هاديك هدرة قديمة .

بالنسبة للثمن فالمازوط كايكون على حساب النقا و الموديل و الديوانة و العمورية ، وحدة جايبة دوبل طوا و عامرة مايمكنش تقارن مع وحدة خاوية لذلك كانلقاوه ما بين 45 000 درهم و 75 000 درهم ، و لكن دائما نوصيك خود النقا و لا ماتاخدش حسن ليك و هادشي لا من ناحية الهيكل و لا من ناحية المحرك و الى ماكاتعرفش خود اللي ثقة يقلبليك .

كانتمنى يكون موضوع اليوم قدم افادة و لو قليلة ، , دمتم في رعاية الله و الى موضوع قادم ان كان في العمر بقية .

 

واصل القراءة

مرسيدس_بنز_190

 

مرسيدس_بنز_190
#mercedes_benz_190D

السلام عليكم ورحمة الله،

من بعد ماتكلمنا على الكولف 4 فالموضع السبق اليوم غادي نتكلم ليكم على واحد التحفة أخرى, اللي هي النجمة الالمانية. المقاتلة و المكافحة #مرسيدس_بنز_190 اللي كان التقديم ديالها ف1982 و بدا التسويق ديالها رسميا من 1983 حتى ل 1993 و غادي نتكلم هنا فقط على المازوط .

سيارة اليوم هي سيارة خارقة و كانت سابقة زمانها و بزاف, حيت فهاديك الوقت ديالها كانو المنافسين ماكايبانوش قدامها و حكراتهم حكرة خايبة واخا هاد المنافسين ماشي غير آجي و حكرهم , و كانهدر هنا على اودي audi و bmw الفئة الثالثة serie 3 اللي كانت محيحة ديك الساعةو لكن جات المرسيدس بنز 190 و كالت ليها سالا اللعب.

هاد الهدرةماشي من فراغ حيت بصراحة باش المصممين ديالها فالثمانينات و بداية التسعينات يقدرو يحطولك داك الهيكل المتين و الصلب اللي مازال كايدردك دابا و ذاك الشكل الانسيابي الرائع اللي هارب على وقتو فراه خاص ترفع ليهم القبعة ،و المشكل ماشي غير فالهيكل و التصميم و المظهر الخارجي و لكن راه حتى التجهيزات جابوها من المستقبل و راكم عارفين ماشي سيارة غريبة عليكم , الوسائد الهوائية , Abs, A.C, المقاعد اللي كانت كاتنفخ و تعدل كهربائيا و زيد و زيد ..هادشي عادي و لكن تخيل معايا فديك الوقت كيف كان غايبان ليك ،و اضافةلكل هاد الكلام الثبات فالطريق و المنعرجات و الراحة فالقيادة ماكاتقارنش حتى مع بعض السيارات اللي راهم كايتصنعو دابا ..

بالنسبة للمحركات فاول موطور فالمازوط كان بقوة 75 حصان و بدا معاها يعني من 1983, و كان كايتعتبر اقتصادي فوقتو , اما محركات 2,5 لتر فبانت ابتداءا من 1988 و كانو فيه 2 ديال المحركات , مول 94 حصان و هذا لي موجود بزاف و مول 126 حصان اللي كان كايخرج غير فواحد الفرسيون اللي هي mercedes benz 2,5 TBO , و أحسن موطور هو اللي كانسميوه حنا المغاربة موطور درجة و راه معروف, و علاش كانختاروه حيت اقتصادي على 2,5 لتر و كذلك زايد نغزة على الموطور نورمال لاسيان اللي كايفشل نسبيا فالعقابي .

المهم السيارة ماغاديش نشكرها حيت شاكرة راسها ملي كاتلقاها ضاربة 700 000 كلم و مازالة كاتطحن فالطريق ، اما من ناحية السلبيات فهي انها كاتكونصومي و البياس بقا كايقلال اما باش نقولو كاتمشي ليها هاد البياسة ولا هاد البياسة فماشي من حقنا حيت السيدة راه شارفة و مازالة حاكرة الصغارات.

من ناحية الثمن كانلقاوها فالسوق من 35000 درهم حتى ل 65000 درهم على حسب النقا و الموديل و الديوانة و الدوريجين و من ناحيتي انا تستاهل اكثر حيت تحفة فنية بامتياز .

المهم ألخوت المواضيع راه كانكتبهم بيدي و ماكانديرش كوبي كولي على حسب داكشي لي عرفني الله و الهدف ديالنا هو نفيدو و نستفدو ، أي استشارة او طلب معلومة انا موجود و كذلك أي نقد كانرحب بيه تا واحد ماكايعرف كلشي ..

 

واصل القراءة

هاكيفاش غادي تنظم وقتك بشكل صحيح

 

: هاكيفاش غادي تنظم وقتك بشكل صحيح

 شحال من واحد ديمة كاينظم الوقت ديالو, وكايدير في الجداول, وكايكتب شنو خاصو يدير, وكاين شحال من واحد كيخطط  للحياة ديالوفقط في العقل, بدون مايكتب ,بدون مايخطط  , اذا عطينا امثلة على الوقت,  سنجد الكثيرديال الامثال لي حنا كلنا عارفينها ومن صغرنا كانسمعوها, ولكن واش عرفين بان الوقت عندو للصوص, وفي هذ الفيديو غادي نتعرفو على هذ, للصوص وكيفاش نتحكمو فيهوم.

 -1

اول للص هو المماطلة اوالتاجيل, هذ المماطلة هي انك كاتبقى تأجل حتى الغدا داكشي لي مفروض انك دير اليوم, وكل مرة كايجي هذ غدا كاتبقى تأجل حتى لنهار لي من بعدو ونتا غادي بحال هاكا.

  - 2

تاني للص هو انك كاتخلط بين اهم الامور, اذا كانو بزاف ديال الحوايج لي خاصك ديرها في نفس الوقت وكاتحس براسك تخربقتي , النتيجة غاتكون هي انك ماغدير حتا حاجة.

 3 -

 اما ثالث للص للوقت هو انت شخصيا, ممكن بصاح تبدا تخدم فشي حاجة مخطط ليها ولكن تاكتلقى راسك كاتكلم مع شي صديق او كادير حاجة اخرى,وهذ شي غادي يعطلك على الخدمة, او لا المهمة لي خاصك تقوم بيها,وغادي يكون ضاعليك الوقت.

 -4

رابع للص للوقت هوانك ماتقدرش تقول لا, انك تكون انسان اجتماعي  مزيان وبزاف, ولكن اذا كنتي كاتدير شي حاجة مهمة ومن بعد  صديقك تصل بيك وعرض عليك تخرجو... وانت قبلتي حيت مقديتيش تقولو لا, هكا غادي ضيع منك الوقت وغادي تصدق مضيع داكشي لي كنتي خدام عليه .

 5-

اللص الخامس للوقت هي المقاطعات الذهنية,  فاش كايتصل بيك صديق, او كايزورك بدون موعد, راه بكل بساطة كايقاطعلك خدمتك, وكايخلي تفكيرك مشتت, وكاتفكر وكاتسهى  على خدمتك ,وعلى الهدف لي كونتي راسم انه غادي يسالي في واحد الوقت محدد. 

 6-

اللص سادس للوقت هو المجهود المكرر,  مثلا انك كاتكون كادير شي حاجة و في نصف ديالها كاتسمح فيها, وكادير حاجة اخرى,  ومن بعدها كاتعاود ترجع باش تكمل داك لخدمة لولة لي كنتي كادير, هادشي كايخليك دير مجهود مضاعف باش تسالي داكشي لي  خدام عليه,  يعني بكل بساطة كايضعليك الوقت,

من الافضل انك تبقى حتى تكمل مهمتك لولة وفاش تساليها, سير المهمة التانية وانت غادي باش تربح الوقت.

 -7

سابع للص للوقت هو التخطيط الغير واقعي, في بعض الاحيان ما  نعتارفوش بالوقت الحقيقي لي غادي يخدو منا  هدف او  مهمة معينة, مثلا كاتخد نهار واحد وكتقول راه كافي انني ندير فيه  المهمة, وانت عارف في الداخل ديالك  راه ماشي منطقي تعطيه فقط نهار, عارف بان خاصو وقت اطول كأسبوع مثلا.

 -8

ثامن للص للوقت هو عدم النظام,  اذا كنتي غير منظم ,مثلا اوراقك غير تالفين,  ومفاتح بيتك  ديما كاتقلب عليهوم,هذ قلت النظام في الاشياء ديالك غادي يسبب ليك في ضياع الوقت . 

والاسباب او للصوص  ضياع الوقت ممكن يكونو بزاف, ولكن حنا هضرنا على اهم  اسباب ضياع الوقت.

 : كيفاش غادي نتحكم في هاد للصوص الوقت 

 1

بالنسبة للمماطلة,  اذاكانت عندك  حاجة خاصك ديرها في قائمة اعمالك اليومية وأجلتيها اكثر من 3 ديال المرات,  فاراه  خاصك تسول راسك اشنو غادي يوقع اذا مادرتيش هذ الحاجة ,  واشنو هي  اهمية هذ الحاجة, اذا كانت الاجابة ديالك ان هذ العمل مهم  وديرو دابا, اما اذا كان جوابك هذ الحاجة زايدة ناقصة ماعندها ماتزيدك  فاغادي تلغي هذ الحاجة ومديرهاش نيهائيا.

 2

تاني حاجة و مهمة بزاف, وغادي تخليك تحكم في للصوص الوقت, هي انك تحدد الاولويات ديالك, ودير قائمة باي حاجة انت  محتاج انك ديرها اليوم, ابدا بالاشياء لي خصك ديرها دابا,  من بعد بالاشياء لي خصك ديرها من بعد شويا ديال الوقت, واخيرا  بالاشياء لي انت كاتبغي انك ديرها, وفي القائمة

 ماتنساش ديروقت  المقاطعات لي ممكن توقعليك, وبدا مباشرة بالتطبيق اول حاجة كتبتي في القائمة.  

 3

ثالث حل باش تحكم في للصوص الوقت هو التركيز,  ركز في الاشياء لي انت  كادير واذا  لقيتي راسك كتسرح بعقلك,بدا تفكر وتقول مع راسك اشنوهوما نتائج لي غايوقعو فاش انا غادي نسالي هذ الخدمة.  

 4 

رابع حاجة لممكن تساعدك باش تحكم في هذ للصوص الوقت, هي انك تبعد من التلفون, الاكنتي انت بصح مشغول وهذ تلفون غير غادي يضعليك وقتك ويبعدك على المهام ديالك.  وهنا بضبط كانتكلمو على التطبيقات وخاصتا مواقع التواصل الاجتماعي اللي من بينهم الفيسبوب الانستاغرام الى أخره,من الافضل الانسان يكون صريح ويقول لطرف الاخر" راني مشغول "وكون قوي ومنع راسك من تلفون .

 5

خامس حاجة هي انك تعود راسك  انك كادير حاجة وحدة مرة وحدة,  ماتبقاش تقطع حاجة بلا متكملها وتمشي دير حاجة اخرى,  خاصك تعلم تكمل حاجة بحاجة باش ماتبقاش كادير مجهود مكرر .

6

سادس حاجة هي التخطيط المنطقي,   خليك واقعي مع راسك وسول راسك واش انا بصح نقدر نسالي الحاجة الفلانية في الوقت الفلاني.,الا كان جوابك لا ماغاديش نقدر نسالي هادشي في هذ الوقت لي عطيتو, خاصك تعاود تشوف شي تخطيط زمني لي هو 

عقلاني وواقعي

رابط الفيديو على قناتنا في اليوتيوب

https://www.youtube.com/watch?v=P1efMCOdU_U&t=26s.

 

 

واصل القراءة